Էդվարդ Միրզոյանի անվան պատանի կոմպոզիտորների հանրապետական մրցույթը կմեկնարկի մայիսի 12-ին՝ ԽՍՀՄ ժողովրդական արտիստ, մեծանուն կոմպոզիտոր Էդվարդ Միրզոյանի ծննդյան օրը: Մասնակիցներն առավոտյան հարգանքի տուրք կմատուցեն կոմպոզիտորի հիշատակին՝ այցելելով Կոմիտասի անվան պանթեոն, որից հետո Կոմիտասի թանգարան — ինստիտուտում տեղի կունենա ելույթների հերթականության վիճակահանությունը: Պատանի ստեղծագործողներն ավանդույթի համաձայն՝ կբաժանվեն տարիքային երկու խմբի, իսկ մրցույթը նախորդ տարվա պես, կանցկացվի
երկու փուլով:

Կրտսեր խումբ — մինչև 13 տարեկան,
Ավագ խումբ — 14-ից 18 տարեկան:

Մայիսի 13-ին՝ մրցութային առաջին փուլի շրջանակներում, Ավագ խմբի մասնակիցները պետք է ներկայացնեն անսամբլային ստեղծագործություն (2-ից 4 գործիքի համար (ցանկացած)՝ առավելագույնը 10 րոպե տևողությամբ), իսկ Կրտսեր խմբի մասնակիցները՝ 1 երգ՝ գրված ցանկացած գործիքի և ձայնի համար (տողերի հիմքում՝ հայ հեղինակի հայալեզու բանաստեղծություն), որի առավելագույն տևողությունը չպետք է գերազանցի 5 րոպեն: Մրցութային առաջին փուլը տեղի կունենա Հայաստանի կոմպոզիտորների միության համերգասրահում:

Մայիսի 15-ին՝ մրցութային երկրորդ փուլի շրջանակներում, երկու խմբերի մասնակիցները պետք է ներկայացնեն ցանկացած գործիքի համար գրված 1 մենանվագ ստեղծագործություն. Կրտսեր խմբի մասնակիցները պետք է ներկայացնեն մինչև 5 րոպե տևողությամբ, իսկ Ավագ խմբի մասնակիցները՝ մինչև 10 րոպե տևողությամբ ստեղծագործություն: Մրցութային երկրորդ փուլը տեղի կունենա Հայաստանի կոմպոզիտորների
միության համերգասրահում:

Մայիսի 17-ին՝ «Առնո Բաբաջանյան» համերգասրահում կկայանա մրցույթի Գալա համերգ — մրցանակաբաշխությունը, որի ընթացքում էլ եւ հայտնի կդառնան այս տարվա մրցանակակիրների անունները: Համերգային երեկոյի ընթացքում կհնչեն երկու խմբերի մրցանակակիրների ստեղծագործությունները:

• 50 000 ՀՀ դրամ
• Մրցույթի անվանական գավաթ
• Խրախուսական նվերներ
• Պատվոգիր
• Վանաձոր քաղաքում կայանալիք միասնական համերգի մասնակցություն

• 65 000 ՀՀ դրամ
• Մրցույթի անվանական գավաթ
• Խրախուսական նվերներ
• Պատվոգիր
• Վանաձոր քաղաքում կայանալիք միասնական համերգի մասնակցություն

• 35 000 ՀՀ դրամ
• Մրցույթի անվանական գավաթ
• Խրախուսական նվերներ
• Պատվոգիր
• Վանաձոր քաղաքում կայանալիք միասնական համերգի մասնակցություն

Մրցանակային հորիզոնականներ չզբաղեցրած մասնակիցներ
• Խրախուսական նվերներ
• Պատվոգիր

 Ժյուրիի որոշմամբ՝ Վանաձորում կայանալիք համերգին կարող են մասնակցել նաեւ մրցույթում մրցանակային հորիզոնականներ չզբաղեցրած մասնակիցները:
 Մրցանակային հորիզոնականներ զբաղեցրած մասնակիցների ուսուցիչները կստանան դրամական
պարգևներ.

• I հորիզոնական զբաղեցրած ուսուցչի հոնորար – 100 000 ՀՀ դրամ
• II հորիզոնական զբաղեցրած ուսուցչի հոնորար – 85 000 ՀՀ դրամ
• III հորիզանական զբաղեցրած ուսուցչի հոնորար – 70 000 ՀՀ դրամ

Հայտերի ընդունման վերջնաժամկետը 2024 թ. մայիսի 10-ն է: Հայտերն անհրաժեշտ է ուղարկել մրցույթի էլեկտրոնային հասցեին (competition@mirzoyan.am)՝ կցելով անձնագրի պատճենը, հայտաձևը, մեկ որակյալ լուսանկար, ինչպես նաև ստեղծագործությունների նոտաները (կարող է լինել նաև ձեռագիր (ընթեռնելի) տարբերակով) կամ գրանցվել մրցույթին` ստորև նշված առցանց տարբերակով: Հայտն ուղարկելուց հետո Դուք կստանաք հաստատող նամակ: 24 ժամվա ընթացքում չստանալու դեպքում խնդրում եք կապ հաստատել 055 07 07 80 հեռախոսահամարով:

Գումարները ներառում են Հայաստանի Հանրապետությունում գործող հարկերը: